Dublin şəhərində səyyar konsulluq xidməti ilə bağlı elan
Əziz həmvətənlərimiz,
Azərbaycan Respublikası vətəndaşları üçün bir sıra konsulluq xidmətlərini əlçatan etmək məqsədilə Səfirlik tərəfindən 1 mart 2025-ci il tarixində ilk dəfə İrlandiya Respublikasının Dublin şəhərində səyyar konsulluq xidmətləri təşkil ediləcəkdir. Səyyar konsulluq zamanı aşağıda qeyd olunan bir sıra xidmətlər ilə yanaşı İrlandiya Respublikasında yaşayan Azərbaycanlılar üçün konsulluq-hüquq sahəsində qarşılaşdıqları çətinliklər barədə sorğu-sual imkanı da yaradılacaqdır.
Səyyar konsulluq xidmətlərindən yararlanmaq istəyən şəxslərdən soyad, ad, ata adının, eləcə də sorğu olunan xidmət növünün consul_london@mission.mfa.gov.az elektron poçt ünvanı vasitəsilə təqdim olunması xahiş olunur.
Ümumi məlumat:
Tarix: 1 mart 2025-ci il, şənbə günü;
Saat: 14:30-18:30
Ünvan: Abbey Meeting Room, Wynn's Hotel Dublin, 35-39 Lower Abbey Street, Dublin 1, Ireland D01 C9F8
Qeydiyyat: consul_london@mission.mfa.gov.az ünvanına şəxsin tam adı və xidmət növü
Xidmət növləri:
- Pasportların verilməsi və ya dəyişdirilməsi üçün müraciətlərin qəbulu;
- Azərbaycan Respublikasına qayıdış şəhadətnaməsi rəsmiləşdirilməsi üçün müraciətlərin qəbulu;
- Vətəndaşlıq məsələləri ilə əlaqədar müraciətlərin qəbulu;
- Xarici dövlətin doğum haqqında şəhadətnaməsınə sahib olan uşaqların doğumunun qeydiyyata alınması üçün müraciətlərin qəbulu;
- Müxtəlif arayışların alınması üçün müraciətlərin qəbulu;
- Konsulluq qeydiyyatı;